صائب قارداشیما
آرخاداشیم , چال سازینی
سوزوم سازیندا اویناسین
دیلیم سسینله ال اله
یاتانلاری اویاندیراق
اویانلارا اومود وئرک
گونش قاچیبدی گیزلنیب
سئوگی قارانلیغا کوچوب
ایشیق لاری گوموبدولر
آرخا داشیم , چال سازینی
هارای وئریب اورک لنک
بیرلیق اولوب توپار لاناق
سئومک بیزه یاساق لانیب
دومان آلیبدی داغلاری
قورخو یاخیبدی باغلاری
سانجی سوکوبدو ساغلاری
کیم نه دئییر , بوشلا دئسین
هئچ بیر زامان گئج اولمازی
چال سازینی , اسیرگه مه
قولاق وئرن ده اولماسا
سسلریمیزدی وارلیغین
بیزده اولان ایشیقلیغی
سوندوره جک اولورسادا
سازین سسینده اولدورون
سورغویا چکسلر سازی
سیزیلداسین , دونوب دئسین
توپراغیمین وورولموشون
عشق یولوندا , کسدیلر
تبریز-25/01/91