بو سئل دنیزه نئجه چاتار می ؟
کئچدییی توپراقلاردا یاس توتوب تیکانلار
نارین اوتلار بیر بیرنی قوجاقلاییب
نوختاسی ، دورماسینا اریشنمیر
گووندیییمیز نه قالیر کی ؟
بئل باغلادیغیمیز توپراق بئله بیزی داندئ
قایالارین نریلتیسینده
اومودون سون چابالارئ ، بوغولسادا
کیمسه یی قینامایین
داشلار قیشقیراندا، گؤرگؤ سوز اومود نیله سین
نه ایسه
گؤرمه دییمیز گونلرین ساغلیغینا
اوخوماق لا اولمور
یاشاییب اؤیر نمک
کؤهنه بیر آلیشقانلیق
ال
اود
و یانماق آجیسئ ...
سئل ین هارا گئتمه سی
ازگین دویغولارین، اوموروندا بئله دئییل
قاچماق اَن دوغال یولدو
دوغولمادیغین سئوینجلرین ایچیندن
آرتیق هارا گئدرسه گئتسین
اوچماق آرزوسونو توپراقدا گیزلتمیشدیک
اونودا سئل یویوب آپاردئ
دامجئ دامجئ ایشیق داشینیلیر
بللی دئییل
هانکی قوجاقدیر بلیرسیز یوللارین سونو
ایسته مه دیک گونش بیزه باخیب بزه نسین
دنیز اولمادیق
دیلک لریمیزی گئری وئرین
چاغلایان سیزقین بیزه قالسین
بو سئل دنیزه چاتان دئییل
ساخلایاق گونشین ساچلاریننان کوف اوچماغی
نوبه ده دوزولن لر سایی سیز
عومروموز صف لرده کئچن دئییل !
ح.د ائلیاد