سن کی سئومک هئچ بیلمیردین نه اییدی
نییه گلیب چیخدین منیم قارشیما
ائشیت مه میشدین کی اورک سئودیین
بیرجه سفر سئور داها بیرده یوخ
باخیش لارین نییه اسیرگه مه دین
دئییردین به یولدو، گلیب گئدرلر
گولومسه ییب ، اود یاندیریب ایترلر
هارای سالیب یانلیزلیغا سونرا سسیز گئدرلر
سئوگی، آلیب ساتان بیر دویغو دئییل
سنین اوجوز بازار دیین دونیادا
بیر گون گلر سن ده دوشرسن اودا
اوندادی کی گولگه لرده دولانیب
تانیش باخیش دیلنچی سی اولارسان
من بوردایام سندن آیرییلان یئرده
الیمده بیر کوهنه قوخو ایستیسی
سولوب بوتون بسله دییم دوغرولار
دوستاق لانیب اوره گیمین جوشماسی
یولون دوشسه ، اینانمیرام آمما گل
بیر آووج کول قالانیب دی خاطیرا
یئل اونو قاتمامیش آیری کوللره
سورمه سین یاخ، یاش یاغمییان گوٌزووه
قارالسادا عوٌمروم بوشلا نیله مک
گوزلرینی ایشیق لات سین یوخلوغوم
گیریش یاساق ، یازمیش عشق اولکه سینه
کیمسه باش وئرمه ییب من ده بیریسی
بیر قورو آد قالسا نه موتلو گورر
آجیلارین عوٌمور بویو چکه ریک
خلیل حصاملو (ح.د ائلیاد)